Mam Schouljoer 2025 – 2026 wëllen d'Holzkniet mol rëm hiren Aféirungscour ofhalen. Um Programm vun dësem Aféirungscour léiere mer d'Handhabung vum manuellen Handwierksgeschier,
d'Holz a verschidde Maschinne kennen an benotzen. Wärend dem Cours ass d'Hierstellung vun nëtzlechem Handwierksgeschier wéi Streichmoss, Hummer an Handwierkskescht virgesinn.

 

Den Afèierungscours geet den 14 Oktober un an dauert bis an de Juni 2026 all Dënschde vu 17:00-20:00 Auer duerno ass nach + 1 Stonn ronderëm den Dësch wou mer eis Erfarungen austauschen an eis besser kennen kéennen zeléiere. Scho no 1-2 Joer sidd der capabel fir selbstänneg är individuel Objeten am Holz hierzestellen. Heibäi gitt der am Atelier beroden an gehollef.